KAPİLYAR
DAMARLAR NEDİR

Kapilyar damarlar – dərialtı nazik damarların genişlənməsi nəticəsində yaranan estetik və tibbi problemdir. Onun səbəbləri, müalicəsi və profilaktikası haqqında ətraflı məlumat üçün məqaləni oxuyun.

Kapilyar damarlar nədir və onların funksiyası
Kapilyar damarlar insan orqanizmində ən incə və nazik qan damarlarıdır. Bu damarlar orqan və toxumalarda oksigen, karbon qazı, qida maddələri və maddələr mübadiləsinin son məhsulları arasında dəyişməni təmin edir. Orta hesabla insan bədənində təxminən 10 milyard kapilyar damarlar mövcuddur. Yaş artdıqca, xüsusilə ayaqlarda bu incə damarlar dəri səthinə daha yaxınlaşaraq görünə bilirlər. Bu isə həm estetik baxımdan narahatlıq yaradır, həm də damar sistemində nasazlığın ilk xəbərçisi kimi qiymətləndirilir.

Kapilyar damarlar ayaqda hansı səbəbdən görünür?
Kapilyar damarlar aşağı ətraflarda bir neçə səbəbə görə genişlənə bilər: oturaq və ya ayaqüstü iş rejimi, irsi meyllik, artıq bədən çəkisi, hamiləlik və hormonal dəyişikliklər, intensiv fiziki yüklənmələr və dar geyimlər. Xüsusilə qadınlarda bu hallar daha çox müşahidə olunur. Çünki qadın orqanizmində hormonal dəyişikliklər kapilyar damarlar üzərində birbaşa təsirə malikdir. Hormonal dərmanların istifadəsi və hamiləlik dövründə damar divarları zəiflədiyindən, estetik görünüşü pozan damar torları formalaşmağa başlayır.
Kapilyar damarlar sağlamlıq üçün təhlükəlidirmi?
Bir çox insan kapilyar damarlar dəri altında görünsə də, şikayət etmədikləri üçün bu problemin ciddi olmadığını düşünür. Lakin bu vəziyyət gecikdirildikdə, ayaqlarda ağırlıq, yorğunluq və diskomfort hissi yarana bilər. Bu mərhələyə “retikulyar varikoz” deyilir və səthi damarlarda dəyişikliklər artıq dərin venalara da təsir etməyə başlayır. Kapilyar damarlar zəiflədikcə onların divarları nazikləşir və kiçik travmalar nəticəsində partlayaraq dərialtı qanaxmalara – hematomalara səbəb ola bilər. Bu da həm estetik, həm də funksional problem yaradır.
Damar həkimi qəbulu + Rəngli Doppler
cəmi 50 azn
055 228 94 90
AKSİYA!

Kapilyar damarlar necə müalicə olunur?
Kapilyar damarlar sayca çox olduğundan, onların müalicəsi bədənin qan dövranına mənfi təsir göstərmir. Çünki digər damarlar onların funksiyasını əvəz edir. Aşağı ətrafların Rəngli Doppler müayinəsindən sonra həkim-fleboloq tərəfindən uyğun müalicə üsulu seçilir. Ən geniş yayılmış üsullar Skleroterapiya və ya Kriolazerkrioskleroterapiyadır. Bu müasir prosedurların hər biri kapilyar damarlar probleminin estetik və funksional həllinə yönəlib və pasiyentlərin gündəlik həyatına əngəl törətmir.
Skleroterapiya və CLaCS – effektiv müalicə metodları
Skleroterapiya zamanı kapilyar damarlar daxilinə nazik iynə vasitəsilə xüsusi dərman yeridilir. Bu maddə damar divarlarını bir-birinə yapışdırır və damar görünməz hala gəlir. Proses tamamilə ağrısızdır və bir neçə seansda aparılır. Daha incə və sıx yerləşmiş kapilyar damarlar üçün isə CLaCS Kriolazerkrioskleroterapiya) tətbiq olunur. Bu üsul lazer, kimyəvi və soyuq təsiri eyni anda göstərir. Hansı müalicə üsulunun seçiləcəyi pasiyentin damar quruluşuna və yayılma dərəcəsinə əsasən həkim tərəfindən müəyyən olunur.

Kapilyar damarlar üçün profilaktika necə aparılmalıdır?
Kapilyar damarlar yenidən yaranmasın deyə bir sıra profilaktik tədbirlərə əməl edilməlidir. Ayaqlar artıq yüklənmədən qorunmalı, hormonal dəyişikliklər həkim nəzarətində olmalı, artıq çəkidən azad olunmalı və zərərli vərdişlərdən uzaq durulmalıdır. Gündəlik həyat rejimində kontrast duş, ayaqlara masaj və damar divarlarını möhkəmləndirən vitaminlərlə zəngin qidalanma faydalıdır. Mütəxəssislər C və P vitaminləri ilə zəngin olan sitrus meyvələri, göyərtilər, qarabaşaq yarması və kələm kimi məhsulları kapilyar damarlar sağlamlığında önəmli hesab edirlər.

Kapilyar damarlar görünəndə nə vaxt həkimə müraciət etməli?
Əgər kapilyar damarlar dəri səthində açıq-aşkar görünürsə və bu halla yanaşı ağırlıq, yorğunluq, gecə qıcolmaları, şişkinlik kimi əlamətlər müşahidə edilirsə, dərhal damar mütəxəssisinə müraciət edilməlidir. Əks halda bu sadə görünən problem daha ciddi damar patologiyalarına çevrilə bilər. Nəticə etibarilə, kapilyar damarlar probleminin vaxtında müalicəsi gələcəkdə əməliyyatlara ehtiyac qalmadan vəziyyətin normallaşmasına kömək edir və həyat keyfiyyətini artırır.
DİGƏR MÖVZULAR